චමත්කාරදසුන් මවන පේරාදෙණිය සරසවිය


සොබාදහම කියන්නේ චමත්කාර දසුන් මවන, නෙතට ප්‍රිය උපදවන තැනක්..ලස්සන කියන දේ සොබාදහම තුල රැකිල තියන දෙයක්. මම මේ සොබාදමේ ලස්සන ගැන කියන්න යන්නේ ළගකදි මූණුපොතේ සැරිසරන වෙලාවක දැකපු පින්තූරයක් නිසා….කතාව පොඩ්ඩක් නවත්තලා ඒ පින්තූරය පොඩ්ඩක් බලන්නකෝ…

Continue reading

Posted in අපේ දේ, පරිසරය, පේරා Campus | Tagged , | 2 Comments

ඇහුන් නෑ..අහෙයිද දාල තියන සද්දෙට..ගන්නව බලන්න තමුසෙගේ ID එක…


ඔන්න කාලෙකට පස්සේ බ්ලොග් එක පැත්තේ ආවා..මේ කාලේ මම  මේ training එකේ ඉන්න හින්දා මෙලෝ වැඩක් කර ගන්න බැරි උනා. උදේ නැගිට්ටා…හවස ආවා…කෑවා… බීවා …නිදා ගත්තා…ඉතින් මොන බ්ලොග්ද…පොඩි රස කතාවක් කියන්න මතක් වෙලා තමා මෙහේ ආවේ…වැඩේ උනේ ඉතින් මගේ යාලුවෙකුට…කවුද කියල කියන්න බෑ…අය බෝඩිම පැත්තේ ගිහින් හමාරයි..කතාව කියන්නම්කෝ ඉතින්…ලේසියට යාලුවාට සම්පත් කියමු…ඕක ඉතින් මනංමල්පිත නමක් කියල හිතා ගන්න….හරිද…

ඒ දවස් වල අපි මේ විභාගෙකට දාගෙන වැඩ..මම ඉතින් ගෙදර ඉදන් කැම්පස් ගියාට විභාගේ කාලෙට බෝඩිමේ තමා…ගෙදර හිටියොත් ඉතින් විභාගේ අලේ අල…ඇයි අපි මෙලෝ වැඩක් කරනව කියලය….ඉතින් ඒ ටිකේ පාන්දර එලි වෙනකම් සර්ව රාත්‍රික පරිත්‍රාණ ධර්ම දේශනා තමා…දැන් නම් ඉතින් දෙය්යන්ගේ පිහිටෙන් ඒවා ඉවරයි 🙂

ඔන්න ඔය දවසක අපි දවල්ට කන්න කියල බත් ගෙන්න මායි තව යාලුවෙකුයි ගියා ලග කඩේකට..යාලුවා චන්දිම..ඒ නම නම් මනංකල්පිත නෑ..මොකද මේ කතාවේ මෙයාට අතුරු ආන්තරාවක් වෙන්නේ නෑ..හැබැයි ඒ නම දාන්න නම් අවසර ගත්තේ නෑ 😛

හරි ඔන්න අපි දෙන්න බත් ගේන්න ගිහින් බෝඩිමට ආවා…එද්දී මිදුලේ සම්පතුයි තව කාකි ඇදුමක් ඇද ගත්ත එක්කෙනෙකුයි ඉන්නවා..ඔයගොල්ලෝ දන්නවනේ කාකි ඇදුම් අදින්නේ කවුද කියලා..අන්න ඒ අයගෙන් පොඩ්ඩක් භයානක කෙනෙක් තමා හිටියේ.හිතාගන්න පුලුවන්නේ…අන්න හරි, ඔයගොල්ලන්ට තේරුනා…පොලිස් අංකල් කෙනෙක් තමා 😀

බෝඩිමේ කලින් තිබුන සාමකාමී වාතාවරණය එතන තිබුන් නෑ..අපිත් බැලුවා මේ මොකද කියාලා..මොකද සම්පත් කුරා කූඹියෙකුටවත් හිංසා කරන කෙනෙක් නෙමේ..කූඹි මෙයාට මොනවත් කරොත් මිසක් 😛  වැඩේ කියන්නේ යාලුවා එයාගේ national ID එකත් දික් කරගෙන ඉන්නව..යකෝ මූ අපි නැති වෙලාවක ලග ගෑණූ ළමයෙක් ඉන්න ගෙදරකටවත් රිංගුවාද…එහෙම දෙයක් වෙන්නත් බෑනේ..

පොලිස් මාමත් හෝ ගාලා බනිනවා….සම්පත් ට කැදත් නෑවගේ…අපි ගියා..

චන්දිම්:- මොකද්ද සර් මේ…. (සර් කිව්වහම මිනිහට මාර හැපී..)

පොලිස් අංකල්:- නෑ බලන්වකෝ මේ මිනිහා කරපු දේ..

මම:- හරි සර් අපි ඇතුලට ගිහිල්ල කතා කරමු.

චන්දිම:- ඔව් මෙතන කෑ ගහන්න ඕන නෑනේ…ඔන්න ඉතින් කට්ටියම ගියා ඇතුලට

මිනිහා ඇවිල්ල හිට්යේ ගෙවල් වල ඉන්න අයගේ විස්තර පුරවගන්න…ඔන්න වුන දේ පස්සේ අහන්න තියලා ඒ වැඩේ කරන්න පටන් ගත්තා.මම තමා පුරවන්න ගත්තේ. කට්ටියගේ විස්තර දාලා එහෙම පුරවන්න තිබුනේ. හැබැයි අයිතිකාරයා එදා හිටියේ නෑ…

චන්දිම:- අද හැබැයි අයිති එක්කෙනා නම් නෑ..

පොලිස් අංකල්:- එයා නැතුවට කම නෑ..අනිත් එවා පුරවන්න..

මමත් ඉතින් ඉදල ඉදල ගොන් ප්‍රශ්නයකුත් ඇහුවා..

මම:- දැන් අපි කොච්චර කල් මෙහෙ ඉන්නව කියල දාන්න ඕනද…?

පොර මං දිහා හොදට බැලුවා..සන්තෝසේ බෑ…

පොලිස් අංකල්:- දැන් බං මමද ඕක දන්නේ…උබල ඉන්න කාලේ මම කොහොමද දන්නේ..

ඒකත් ඇත්තනේ.

චන්දිම:- අපි පොලීසියට එන්න ඕනද? චන්දිමත් ලේසියෙන් අත අරින්නේ නෑ…

පොලිස් අංකල්:- පිස්සුද..මේ කරපු ටික හොදටම ඇති..ආය එහේ එන්න ඕන නෑ…කරපු හරිය හොදටම ඇති… හොදටම මළ පැනලා

දැන් ඉතින් ඔක්කෝම පුරවගෙන පොලිස් මාමා ගියා.. අපි දෙන්නම වට වුනා සම්පතයා වටේ..

මොකද බං වුනේ..

ඔන්න වුන සිද්දිය..

අපි ගියාට පස්සේ මිනිහා computer එක දාලා සද්දෙට ඔක්කොටෝම ඇහෙන්න සිංදු අහලා…හැමවෙලාවෙම පොතේ ඉන්නත් බෑනේ..ඒ අස්සේ තමා පොලිස් මාමා ඇවිල්ලා තියෙන්නේ. ඇවිල්ලා දොරට ගහලා සැහෙන්න…කෑගහලත් එක්ක…කොහොම හරි යාන්තමට සම්පත්ට පොඩි සද්දයක් ඇහිලා තියනවා..ඒ හින්දා කෝකටත් පොඩ්ඩක් පල්ලෙහාට ඇවිල්ලා බලන්න..ඇවිල්ලා ජනේලයෙන් පොඩ්ඩක් ඔලුව දාලා බලලා..මළකෙලියයි..පොලීසියෙන්…හැබැයි ඒ වෙලාවේ සම්පත් මල්ලි ඉදලා තියෙන්නේ උඩුකය නිරුවතින්…

ආයෙත් උඩට දුවලා ගිහින් ට්ෂර්ට් එකක් දාගෙන් ඇවිල්ලා ඔන්න දොර ඇරලා..එක පාරටම පොලිස් මාමා සම්පත්ට කඩන් පැනලා…

පොලිස් අංකල්:- කොහෙද ඕයි තමුසේ හිටියේ….මම කොච්චර වෙලා කෑගහුවද…

සම්පත්:- මම…මම…උඩ හිටියේ…මට..මට..ඇහුනේ නෑ…සම්පත් තක්කු මුක්කු වෙලා…

පොලිස් අංකල්:- ඇහුන් නෑ..අහෙයිද දාල තියන සද්දෙට..ගන්නව බලන්න තමුසෙගේ ID  එක…

ලැබුනු අණින් මෙලෝ දෙයක් හිතා ගන්න බැරි උන සම්පත් දුවල ගිහින් ID එක ගෙනාවා..

පොලිස් අංකල්:-  බලනවකෝ තමුසේ කරන දේවල්…ඔහොම සද්දේ දාගෙන ඉන්නවද ගෙදරක..අනිත් ම්නිස්සු ඉන්නේ කොහොමද..

සම්පත්ට ඉතින් කතා නෑ…ID එක  දික් කරගෙන ඉන්නවා…වස ලැජ්ජාවේ බෑ..ඇයි ඉතින් අපි ලග ගෙවල් ටිකට ඉතින් කැම්පස් පොර ටෝක් ටික දාගෙනනේ හිටියේ…

යන්තම් ඉතින් පොලිස් මාම කූල් ඩවුන් කරලා තම වැඩේ ෂේප් කරේ….පොලිස් අංකල් ගියාට පස්සේ වුන දේවල් ඉතින් අමුතුවෙන් කියන්න ඕන නෑනේ…මට මේක මේ අහම්බෙන් මතක් උනේ….බෝඩිම පැත්තේ ගිය වෙලාවක අයේ මතක් කරල ගන්න ඕන 😀 😀

Posted in අපේ දේ, පේරා Campus, රස කතා | Tagged , , , , | 8 Comments

මගේ රත්තරන් අම්මේ අහිතක් නොසිතමි නුබ ගැන….


අද ලෝක අම්මාවරුන්ගේ දිනය…ලෝකයේ ලස්සනම වචනය ‘අම්මා’.. අද දවසේ හුගක් දෙනා කියන දෙයක්. ඇත්තටම මේක අපිට අද විතරක් මතක් වෙන දෙයක්ද.. සමහරවිට ඔව්..

”අම්මාවරුනේ අම්මාවරුනේ
සම්මා සම්බුදු අම්මාවරුනේ.
දරුවන්ගේ දුක් කඳුළු දකිනදා
සුරලොව සිට අතපා
ඒ කඳුළැලි පිසින…
අම්මාවරුනේ”

අපගේ ජීවිත වෙනුවෙන් සැමදා කැප කල ඇයට එක් දිනක් වෙන් කිරීම ඇතිද ? ලෝකයා එසේ කලත් අප එසේ කළ යුතු වන්නේ නැත. ඒ ඇය අප වෙනුවෙන් කළ කැපවීම ගැනිය නොහකි නිසාවෙනි.

පහත තිබෙන්නේ මාගේ මිතුරෙකු එවා තිබු පින්තුරයක්..නොසිතු, නොදුටු, නොපැතු පැත්තක් දෙස එය ඔබව යොමු කරාවී… Continue reading

Posted in අපේ දේ, පරිසරය | Tagged , , , , | 4 Comments

“බලනවකෝ අයිසේ තමුසෙලා එතනත් බලු කරල ඇවිල්ලා මෙතනත් බලු කරන්න යනවනේ..”


ඔන්න ඉතින් හා හා පුරා කියලා අලුත් අවුරුද්දේ බ්ලොග් එකේ වැඩ අල්ලන්න යන්නේ..ඊට කලින් අලුත් අවුරුද්දට ඔයගොල්ලෝ ඔක්කෝටම සුභ පතන්න එපාය..“ලැබුවා වු අලුත් අවුරුද්ද  දී කිරි, මීකිරි, සූ කිරි, කල් කිරි, ටින් කිරි, පිටි කිරි, මුදවපු කිරි ඉතිරෙන එළම කිරි අලුත් අවුරුද්දක් වේවා….”ඔයගොල්ලෝ හැම දෙනාටම සියලු පැතුම් ඉටුවන අවුරුද්දක් වේවා කියා මම හදවතින්ම පතනවා.

මම දැන් කියන්න යන්නේ පොඩි රස කතාවක්..මගේ යාලුවෙකුට වුන දෙයක්…කාට හරි මේ වගේ දෙයක් උනොත් කියල, අනිත් අයව දැනුමත් කරන්න මේක බ්ලොග් එකේ දැම්මට කමක් නෑ කියලා යාලුවා කීවා. ඒක හින්ද තමා මම මේක බ්ලොග් එකේ දාන්නේ…මේක උනේ මේ ළගදි දවසක.තැන තමා පේරාදෙණිය මල් වත්ත..කථාවට තුන් දෙනෙක් සම්බන්ධයි..මගේ යාලුවා, එයාගේ පෙම්වතිය සහ එතන හිටපු ආරක්ෂක නිලධාරියෙක්..දැන් ඉතින් දෙන්නා උදේ පාන්දරම ගිහින් මල් වත්තේ බෙන්ච් එකක් එහෙම අල්ලගෙන කයිය ගහ ගහ හිටියලු.තව එකක් කියන්න ඕන මේක මේ දෙන්නගේම පළමු හමුවීම..

Continue reading

Posted in අපේ දේ, පේරා Campus, රස කතා | Tagged , , , , | 6 Comments

~2010 පේරාදෙණිය විශ්වවිද්‍යාලීය ක්‍රීඩා වර්ණ ප්‍රධානෝත්සවයේ තිරය පිටුපස නාටකය~Drama Behind the 2010 Colours Award Ceremony of the University of Peradeniya~


උපුටා ගැනීමකි :-

පේරාදෙණිය විශ්වවිද්‍යාලීය චෙස් සමූහයේ නිල බ්ලොග් අඩවිය

 

දිනය 2011 මාර්තු මස 25 දින

ස්ථානය- පේරාදෙණිය විශ්වවිද්‍යාලීය ක්‍රීඩාගාරය

වැඩසටහන- 2010 ක්‍රීඩා වර්ණ ප්‍රධාන උත්සවය

වසරක් පුරාවට ක්‍රීඩාවන් වෙනුවෙන් දහඩිය හෙලු සහ ක්‍රීඩාවන් තුළ දක්ෂතාවයන් දැක්වූ ක්‍රීඩක ක්‍රීඩිකාවන් අගයනු වස් පේරාදෙණිය විශ්වවිද්‍යාලයේ 2010 ක්‍රීඩා වර්ණ ප්‍රධාන උත්සවය මෙවරත් වර්ණවත්ව පැවත්වීමට කටයුතු සූදානම් කෙරුනි. නමුත් එම වර්ණවත් බව පරයමින් නැගුනු අදුරු කඩතුරාවක් නිසාවෙන් මෙවර වර්ණ ප්‍රධාන උත්සවයේ ගුණාත්මක බව දියාරු වී ගොස් තිබිනි.

විශ්වවිද්‍යාලය තුළ ක්‍රීඩාවේ ඉදිරි පැවත්ම සදහා නිසි ලෙස ඇගයිමක් සිදු කළ යුතුය. එම ඇගයීම සුදුස්සන් සදහා හිමිවිය යුතුය. වසරක් පුරාවට ක්‍රීඩක, ක්‍රීඩිකාවන් කළ කැපවීම අගයන වටිනාම අවස්ථාව වන්නේ වසරේ වර්ණ ප්‍රධාන උත්සවයයි. මෙවර එය ක්‍රීඩක,ක්‍රීඩිකාවන් තුළ පසුතැවිල්ලක් ඇතිකරලීමට ඉඩක් ලබා දීම සදහා විශ්වවිද්‍යාලයේ ක්‍රීඩා පරිපාලනය යොදා ගෙන තිබිනි.

විශ්වවිද්‍යාලීය ක්‍රීඩා පරිසරයට සහ එහි යහ පැවත්මට හානි දායක වන ලෙස තීන්දු තීරණ ගැනීමට විශ්වවිද්‍යාලීය වගකිවයුතු ක්‍රීඩාබලධාරීන් මෙවර මූලිකත්වය ගෙන තිබිනි. වර්ණ ප්‍රධාන උත්සවයකදී, ක්‍රීඩා කණ්ඩායමකට ලබා ගත හැකි වටිනාම ඇගයීම වන්නේ “වසරේ විශිෂ්ඨතම ක්‍රීඩා කණ්ඩායම” යන ඇගයීමයි. බැලූ බැල්මට පෙනෙන සාධාරනත්වයට එහා යමින් පටු තීරණ ගැනීම නිසා මෙවර එහි වටිනාකම බාල වුනි.

Continue reading

Posted in අපේ දේ, ක්‍රීඩා, තර්ජන, පේරා Campus | Tagged , , , , , , | Leave a comment

සුභ බ්ලොග් උපන්දිනයක් වේවා පන්හිද…


අදට පන්හිදට අවුරුදු දෙක සපිරෙනවා…..හුගක් වැඩ තිබුනත් පන්හිදට සුභ උපන්දිනයක් පතන්න ඕනනේ…

“සුභම සුභ බ්ලොග් උපන් දිනයක් වේවා පන්හිද….!!!”


ඉතින් මේ අවුරුදු දෙක පුරාවටම පන්හිද හා එක්වුනු ඔයගොල්ලෝ හැම දෙනාටම ස්තුතියි..ඉස්සරහටත් ඔයගොල්ලෝ පන්හිද එක්ක එකතු වෙලා ඉදියි කියලා විශ්වාස කරනවා…

 

Posted in අන්තර්ජාලය, බ්ලොග්, රස කතා | Tagged , , , | 13 Comments

ඉවසපන්..අපේ Version එක


ඔන්න AppS අපේ කට්ටිය ඉතින් හා හා පුරා කියලා අපේ AppS night එකට හැදුවා සිංදුවක්. 🙂 ඒ ගැන නොකියම බැරි නිසා තමයි මේ පොස්ට් එක ලියන්න හිතුවේ. හැබැයි මේ AppS කියන එක කලින් කියන්න වෙනවා. Apps   කියන්නේApplied Science Society.  Applied Science program එක කියන්නේ පේරාදෙණිය විශව විද්‍යාලයේ විද්‍යා පීඨයේ තියෙන විශේෂ පාඨමාලවක්. අවුරුදු 3 නේ පාඨමාලාව හදාරලා තෝරාගත් පිරිසකට මේ පාඨමාලාව හදාරන්න පුලුවන්. ඉතින් ඒකේ එකේ night එක පහුගිය 3 වෙනිදා හැඩටම එකේ පැවත්වුනා.ඒ  වෙනුවෙන් society යේ කොල්ලෝ කෙල්ලෝ ටික එකතු වෙලා හදපු සිංදුවක් තමා මේක. මෙකට කට්ටියම සැහෙන්න මහන්සි වුනා. සිංදුව ලියන්න, කියන්න, රගපානන්න  හුගක් දෙනා තමන්ගේ කාලය, මහන්සිය  කැප කරා. ඒකට එකේ කට්ටියටම ස්තුති කරන්න ඕන..කට්ටිය මතක් කරේ නැත්තම් අඩුවක් නිසා මම කියන් යන්නම්…

Continue reading

Posted in අන්තර්ජාලය, අපේ දේ, පේරා Campus, රස කතා | Tagged , , , , | Leave a comment